十七八節
女 十七八頃や 夕間暮ど待ちゅるヨ
夜ん暮りてたぼり 我自由さびら
ハラドンドンセー
約束里前や 来んどあがやー
（じゅうしちはちぐるや ゆまんぎどまちゅるよ
ゆんくりいたぼり わじゆうさびら
ハラドンドンセー
やくしくさとめやくーんどあがやー）
男 無蔵が待つ所 伊佐浜の碑文ヨ
無蔵が待ちかにら 我肝あまじ
約束無蔵や 来んどあがやー
（んぞがまつところ いさはまのひぶんよ
んぞがまちかにら わちむあまじ
やくしくんぞや くーんどあがやー）
女 我身ん遊び好ち 里ん遊び好ちヨ
互に遊び好ち 互に遊ば
夢ぬ浮世や 語て遊ばな
（わみんあしびじち さとんあしびじちよ
たげにあしびじち たげにあしば
いみぬうちゆや かたてあしばな）
男 無蔵が肝変わて 我んすそにすらばヨ
刀刃にかきて 恨みはらさ
無蔵がこころん 変わんなよーやー
（んぞがちむかわて わんすそにすらばよ
かたなばにかきて うらみはらさ
んぞがこころん かわんなよーやー）
女 里が差す刀 鞘二ちあゆみヨ
夫二人持ちゅる 事やねさみ
里が心ん変わんなよーよー
（さとがさすかたな さやふたちあゆみよ
うとぅふたいむちゅる くとやねさみ
さとがくくるんかわんなよーよー）
男女 月ん入り下がて やがて夜ぬ明きさヨ
りちゃよ立ち戻ら 夕びぬ時分
今日は別りて 又明日遊ばな
西と東に 別りて行かやー
（ちちんいりさがて やがてゆぬあきさよ
りちゃよたびむどら ゆびぬじぶん
ちゅうはわかりて またあちゃあしばな
いりとあがりに わかりていかや）